ANBI ወፈያ/ውህብቶን ብዝምልከት (ንቤተክርስቲያንኩም)

 

ወፈያኹም/ውህብቶኹም፡ ንጥቕሚ ቤተክርስትያን፡ ናብ ባንኪሕሳብ ናይ ቤተክርስቲያንና ደብረሰላም መድሓኔዓለም አምስተልፌን-አምስተልላንድ ከተመሓላልፉዎ ትኽእሉ። (ብQR-code ከአ ከተመሓላልፉ/ክትከፍሉ ትኽእሉ ኢኹም። እዚአ ግን ቅንይ ኢልና ከነውፀአ ኢና)።

ANBI en eigen bijdrage

Actie (voor je kerk)

U kunt uw bijdrage overmaken naar de rekening van onze kerk (t.n.v. Stichting The Eritrea Orthodox Tewahdo Medhanie Alem Kerk)

NL35 ABNA 0447100769

Ook de Belastingdienst helpt een handje mee! U kunt uw gift aftrekken van uw belastingaangifte. Voor meer informatie kunt u contact opnemen met ons, e-mail: debreselammedhaniealem@gmail.com

 

Het Kerkelijk Bestuur

 

በስመኣብ ወወልድ ወመንፈስ ቅዱስ አሓዱ አምላክ አሜን።

 

ክቡራት ኣንበብቲ፥

 

ሕጂ እንጥቀመሉ ዘሎና ቤተክርስትያን፡ንሕና እንውንኖ ኣይኮነን። ከምኡ ስለ ዝኾነ ድማ እቲ ግቡእ ቤተ ክርስትያን ክትህቦ እትደሊ ኣገልግሎት ከም'ቲ ግቡእ ይማላእ የለን። ካህናትን ዲያቆናትን፡ መንፈሳዊ ኣገልግሎቶም ንምእመናን ኦርቶዶክስ ተዋህዶ ቤተክርስትያን ምእንቲ ክዓዝዝ፣ ናትና እንብሎን እንውንኖን ቤተክርስትያን ክህልወና ይግባእ።

እዚ ምእንቲ ክረጋገጽ ከኣ፡ ነፍሲ ወከፍ ሰብ (ምእመን)፡ ዝደቐቐን ዝፈረየን ፋይናንሳዊ ሓገዝ፡ ከም ክእለቱ ከበርክት ብስም መድሓኔዓለም ብኽብሪን ብትሕትናን ንሓትት።

ወነንቲ ናትና እንብሎ ቤተክርስትያን እንድሕር ኮይንና፣ ካብቲ ብዙሕ ክህልወና ዝኽእል ጠቕምታት ገለ ገለ ንምጥቃስ ዝኣክል፣

 --- ነፍሲ ወከፍ ዕለተ-ሰንበት ኣገልግሎት (ጉባኤ / ቅዳሴ) ከነካይድን ክህልወናን ይኽእል፥

 --- እቶም በዛ ቅድስቲ ዕለት እዚኣ ናብ ካልእ ቤተክርስትያን ክኸዱ ዝግደዱ ዘለው ምእመናን ኤርትራውያን ኣሕዋትን ኣሓትን፣ ኣብ'ቲ ናቶም ዝኾነ            ቤተክርስትያን መድሓኔ ዓለም ተጠቀምቲ ይኾኑ፥

--- ቤተ ክርስትያንና ኣብ ዝደለናዮ ሰዓትን ዕለትን ከፊትና ክንግልገለሉ ንኽእል፣

--- ኣብ ቤተ ክርስትያንና ብዘይ ስኽፍታን ሸቑርርታን መደባትና ክንሰርዕ፡ ክንቅይርን ከነተግብርን ንኽእል፥

--- ዲያቆናትናን ኣባላት ትምህርቲ ሰንበትን፣ ተመሃሮ ቆልዑ ትሕቲ ዕድመን፣ መንእሰያትን ብመንፈሳዊ ትምህርቲ ክንሃንጸሉን ከነማዕብለሉን የኽእለና፥

--- ጥምቀት፣ መርዓን፣ ፍትሓትን ኣብ መዓልቱ ከነካይደሉ ንኽእል ............. ወዘተ፣

 

ስለዚ ሃነጽትን፣ ተሳተፍትን ናይ ቤተክርስትያን መድሓኔዓለም ኣብ ምዃን፡ ኣገዳስነቱ ዕዙዝ ምዃኑ እንዳ ኣተሓሳሰብና፣ ብዓቢዪኡ ከኣ ተጓናጸፍቲ ናይ እቲ ዝዓበየ ጸጋ ናይ መድሓኔ ዓለም ከም ዝኾንኩም ምፍላጥ የድሊ።

ስለዚ እቲ እነበርክቶ ወፈያ፣ ባዕልና እነወፍዮ ፋይናንሳዊ፣ ጉልበታዊ፣ መንፈሳዊ ጥራይ ዘይኮነ፣ ካለኦት ሰባት እውን ናብ ቤተክርስትያንና ክመጹን፡ ንጡፋት ተሳተፍቲ ክኾኑን ምግባር እንተላይ ምዃኑ ክንግንዘብ ይግባእ። ዕላማና ብሓጺሩ ኣብ'ታ ልዕሊ ኹሉ ዝኾነት ናይ ሃዋርያት ጉባኤ፣ ቤት ሰላምን ፍቕርን ዝኾነት ቅድስቲ ቤተክርስትያን ክንተኣኻከብ ኢዩ።

ነዚ ቅዱስ ተግባር ክንፍጽምን ከነተግብርን መድሓኔ ዓለም ንኹልና ይሓግዘና። ኣሜን።

 

ዋና ጻሓፊ፥ ኣቶ ታረቀ ትኳቦ።